Մոսկվան անընդունելի է համարում Փաշինյանի հայտարարությունները Ռուսաստանի մասին
ՎԵՐԼՈՒԾՈՒԹՅՈՒՆՆԵՐ
Tvc.ru–ն գրում է, որ ռուսական կողմը դժգոհ է Հայաստանի վարչապետ Նիկոլ Փաշինյանի վերջին հրապարակային հայտարարությունից Մոսկվայի դերի մասին տարածաշրջանային անվտանգության ապահովման գործում: Այդ մասին հայտնել է РИА Новости գործակալությունը հղում անելով ՌԴ ԱԳՆ անանուն աղբյուրին։
Հիշեցնենք, որ Հայաստանի ղեկավարի նախօրեին La Repubblica-ին տված հարցազրույցում հայտարարել էր Արևելյան Անդրկովկասում անվտանգության ապահովման համար «կոլեկտիվ գործիք» ստեղծելու անհրաժեշտության մասին: Ինչպես նշել է Փաշինյանը, այս հարցում կենտրոնանալով բացառապես Մոսկվայի վրա Երևանը «ճաշակել է դառը պտուղները»։
«Մոսկվան չափազանց դժգոհ է Հայաստանի ղեկավարության վերջին հրապարակային հայտարարություններից, այդ թվում Հայաստանի վարչապետի հայտարարություններից իտալական La Repubblica թերթին տված հարցազրույցում», - ասել է գործակալության զրուցակիցը։ Միաժամանակ, գործակալության զրուցակիցը, ով ցանկացել է անհայտ մնալ, ընդգծել է, որ նման հրապարակային հայտարարություններով Հայաստանի քաղաքական իսթեբլիշմենթը փորձում է սեփական սխալների պատասխանատվությունը գցել ռուսական կողմի վրա։
Նա նաև հավելել է, որ Մոսկվան, ի տարբերություն հայկական կողմի, Երևանի հետ հարաբերությունները դիտարկում է որպես «փոխադարձ և հավասար»։ Նրա խոսքով Ռուսաստանի և Հայաստանի երկկողմ հարաբերությունները, որոնք շարունակվում են արդեն մի քանի տասնամյակ, ապացուցում են այդ միության «արդյունավետ գործընկերությունը»։
Ավելի վաղ ՆԱՏՕ-ի Եվրոպական զարգացման կոմիտեի նախագահ Գյունտեր Ֆեհլինգերը Հայաստանի վարչապետ Նիկոլ Փաշինյանին հրավիրել էր միանալ ՆԱՏՕ–ի ռազմաքաղաքական դաշինքին։ Բարձրաստիճան պաշտոնյայի խոսքով հենց Հյուսիսատլանտյան դաշինքն է ունակ ապահովել Երևանի «ազգային շահերի պաշտպանությունը»։
Նյութը հրապարակման պատրաստեց Կամո Խաչիկյանը
