Աբովյանում շանը կրակել են և թողել, որ արնաքամ լինի
ԻՐԱՎՈՒՆՔԿենդանասերները մայրաքաղաքի ու հայաստանյան այլ բնակավայրերի փողոցներում հաճախ են լինում շների սպանդի ականատեսները:
«Դինգո թիմ» հասարակական կազմակերպությունը տեսանյութ է ներկայացրել, որ նկարահանվել է ահազանգից անմիջապես հետո Աբովյան քաղաք հասնելուն պես:
«Գիշերվա կեսին այ այսպիսի ահազանգ ունեցանք Աբովյան քաղաքից: Շանը կրակել են ու թողել այ այսպես արնաքամ լինի: Ու չնայած իր վատ վիճակին, նա դեռ պոչիկ է շարժում... Ու չնայած այն բանին, որ ուշ գիշեր էր ու մեր աղջիկները՝ ծնունդ էին տոնում, նրանք թողեցին իրենց տոնը ու շտապեցին Աբովյան՝ փրկելու շանը: Շունը հիմա կլինիկայում է: Վերքը շատ վատ վիճակում է, թիակն էլ վնասված է: Նա դեռ պետք է մի քանի օր հոսպիտալացվի, որ վերքը շատ լավ մշակվի, որից հետո հասկանանք վիրահատության ենթակա է թե ոչ:
Կլինիկային արդեն պարտք ենք 12.000 դրամ՝ 2 ռենտգենի և 3000 դրամ՝ 1 օր հոսպիտալացման համար: Ու դեռ չգիտենք էլ քանի օր է մնալու:
Օգնեք մեզ՝ օգնել նրան...
24100095040201 - Օվսաննա Հովսեփյան,Unibank
ArCa online - 9051 4102 0092 3316
IDRAM - 824044578»:
Ի դեպ, կենդանասեր Ռոլանդ Պողոսյանը, ով հայտնի է թափառող շների պաշտպանության առումով իր կատարած զգալի աշխատանքով, այս տեսանյութի վերաբերյալ գրել է.
«Գրառումս ուղղում եմ Անվտանգություն և առաջընթաց քարոզող մեր ՀՀ վարչապետ Կարեն Կարապետյանին։Փաստորեն, այսպիսին են ձեր կողմից մշակված անվտանգության մեթոդները։Խեղճ ու կրակ անտուն կենդանուն փողոցի մեջտեղում կրակել են և թողնել, որ արնաքամ լինի։ Այդ որ օրենսդրական կետով եք առաջնորդվում, Պրն.Կարապետյան»:
Հիշեցնենք, որ տարիներ շարունակ կենդանասերները գործադիրից պահանջում են կենդանիների պաշտպանության համար օրենքի նախագիծ , ինչպես նաև հանրային վերահսկողություն շների ստերիլիզացմամբ և հիվանդ շների քնեցմամբ զբաղվող կազմակերպությունների նկատմամբ:
