Եթե անգամ ուզում են հարաբերություններ կառուցել այլ երկրների հետ, դա անում են անտաղանդ ձևով. Աբրահամյան
ՀԱՍԱՐԱԿՈՒԹՅՈՒՆՀայաստանը մինչեւ 2018-ը փորձել է մի կողմից բալանսն ապահովել միջազգային տարբեր դարակատարների եւ կառույցների միջեւ, մյուս կողմից կարեւոր է եղել, որ անվտանգությանն համակարգը իրավիճակին համահունչ աւնպիսի մակարդակ ապահովի, որը կամ կկանխի, կզսպի թշնամիների հնարավոր հարձակումները, կամ հնարավոր ռազմական գործողությունների դեպքում դրանք արագ կկանգնեցնի ու հակառակորդին կճնշի: Այս մասին այսօր՝ նոյեմբերի 13-ին, լրագրողների հետ զրույցում ասաց ՀՀ ԱԺ «Պատիվ ունեմ» խմբակցության քարտուղար Տիգրան Աբրահամյանը:
«Հայաստանը շարունակում է առաջնորդվել հախուռն քաղաքականության տրամաբանությամբ, ոչ մի բան հստակ չէ: Նույնիսկ այն երկրների հետ, որոնց հետ փորձում են հարաբերություններ կառուցել, այս դեպքում, ի հեճուկս Ռուսաստանի, դա էլ անում են այնպիսի անտաղանդ ձեւով, որի պայմաններում ոչ նոր ուղղություն է ուրվագծվում, եղած հարաբերություններն էլ տապալվում են: Սա բերում է նրան, որ Հայաստանի Հարավային Կովկասում վերածվել է տարբեր աշխարհաքաղաքական կենտրոնների բախումների օբյեկտի: Այս պարագայում մենք ունենում ենք տարածքային եւ մարդկային կորուստներ»,-ասաց ընդդիմադիր պատգամավորը:
