Հանգստացեք հյուսիսային Հայաստանի հոբիթական գյուղում
ՎԵՐԼՈՒԾՈՒԹՅՈՒՆՆԵՐ
100dorog.ru-ն հարց է տալիս, թե որտե՞ղ կարելի է տեսնել «Մատանիների տիրակալի» հեքիաթային աշխարհը: Պատասխանը պարզ է. Հայաստանի հյուսիսում՝ Դիլիջանի ձնառատ անտառի խորքերում թաքնված հոբիթական գյուղում։ Այդ կախարդական վայրն իրականություն է դարձել երկու եղբայրների շնորհիվ, ովքեր իրենց երևակայութունը վերածել են գյուղի, որը գրավում է այցելուներին ամբողջ աշխարհից:
Cozy House հյուրանոցը, որը բացվել է 2019 թվականին, ոգեշնչված է հոբիթների աշխարհով և ծառայում է որպես հիմնական գրավչություն այցելուների համար: Մոտակայքում են գտնվում հոբիթական ոճով հմայիչ քոթեջները, որոնցից յուրաքանչյուրը ստեղծվել է մանրուքների նկատմամբ մանրակրկիտ ուշադրությամբ, որպեսզի վերստեղծվի Թոլքինի եռերգության առեղծվածային մթնոլորտը:
Հյուրանոցի հիմնադիրներից Էդգար Գուլանյանը պատմել է իր մտահղացման մասին. «Ես փորձեցի օգտագործել իմ մասնագիտական փորձն այդ բիզնեսում։ Մենք գործադրել ենք բոլոր ջանքերը, որպեսզի պահպանենք մեր յուրահատուկ ոճն ու յուրահատկությունը»։ Քայլելով վառ գույներով ներկված փայտե կլոր դռների միջով և նայելով անկյունային պատուհաններից այցելուներն ընկղմվում են հոբիթների կախարդական աշխարհում: Գեղջկական ռեստորանի ներսում պատերը զարդարված են արտասովոր նյութերից պատրաստված տարօրինակ արվեստի գործերով, հին վինիլային սկավառակներից պատրաստված են ձկան թեփուկներ, լվացարանի վրա թաքնված է խոշորացույց, որը ստեղծում է փոխկապակցված ձևերի տեսք: Վաճառքի մենեջեր Խաչիկ Հակոբյանը բացատրել է, որ այդ եզակի վայրի ստեղծման նպատակը ոչ միայն հյուրերին սովորական հաանգիստ առաջարկելն էր, այլ հեքիաթի մեջ ընկղմվելու հնարավորություն տալը. «Դիլիջանում մրցակցությունը բավականին բարձր է, հատկապես վերջին տարիներին։ Մենք ցանկանում էինք նոր և տարբերվող բան առաջարկել զբոսաշրջիկներին գրավելու համար»:
Նյութը հրապարակման պատրաստեց Կամո Խաչիկյանը
