Ռուսաստանում հայտարարել են «Спутник V» պատվաստանյութի միջազգային ճանաչման մասին
ՖՈՏՈ
Առաջատար բժշկական ամսագիր «The Lancet»-ը կորոնավիրուսի դեմ ռուսական «Спутник V» պատվաստանյութի կլինիկական հետազոտության երկու փուլերի մասին հրատարակում է արել, որտեղ նշված է «Спутник V» պատրաստուկի միջազգային ճանաչում ձեռք բերելու մասին: Այս մասին հայտարարել է Ուղղակի ներդրումների ռուսական ֆոնդի (РФПИ) մամլո ծառայությունը:
Ֆոնդն ավելացրել է, որ հրապարակումը հաստատում է ռուսական պատրաստուկի անվտանգության և արդյունավետության բարձր մակարդակը:
Հիշեցնենք, որ օգոստոսի 11-ին կորոնավիրուսի դեմ աշխարհում առաջին պատվաստանյութի գրանցման մասին հայտարարել է ՌԴ նախագահ Վլադիմիր Պուտինը: Իսկ օգոստոսի 15-ին մեկնարկել է «Спутник V»-ի արտադրությունը: Առաջինը պատվաստվելու են բժիշկներն ու ռիսկային խմբի քաղաքացիները: Իսկ մոտավորապես սեպտեմբերի կեսերին սկսվելու է ռուսների զանգվածային պատվաստումը:
Նյութը հրապարակման պատրաստեց Լիլիթ Ամիրաղյանը:
