Իրանը ԱՄՆ-ի հետ ժամանակավոր միջուկային գործարք կարող է կնքել․ Axios

Իրանը դիտարկում է ԱՄՆ-ի հետ ժամանակավոր միջուկային գործարք կնքելու հնարավորությունը մինչև վերջնական համաձայնագիրը: Այս մասին գրում Է Axios պորտալը։

«Իրանը դիտարկում է ԱՄՆ-ի հետ բանակցությունների ընթացքում առաջարկ ներկայացնելու հնարավորությունը, որպեսզի երկու երկրներն աշխատեն ժամանակավոր միջուկային համաձայնագրի վրա՝ նախքան համապարփակ գործարքի շուրջ բանակցություններ սկսելը», - ասվում է հրապարակման մեջ:

Պարբերականն ընդգծել է, որ ժամանակավոր համաձայնագիրը կարող է ներառել ոչ միայն ուրանի հարստացման ուղղությամբ Իրանի գործունեության մի մասի կասեցումը և նրա պաշարների կրճատումը, այլև ՄԱԿ-ի տեսուչներին Թեհրանի միջուկային օբյեկտներին ավելի մեծ հասանելիության տրամադրումը: