Ուկրաինայում ռուսական երաժշտության դեմ պայքարի մեթոդ են առաջարկել

Ուկրաինայի Գերագույն ռադայի խոսքի ազատության կոմիտեի նախագահ Յարոսլավ Յուրչիշինը Կիևում ռուսական երաժշտություն լսելու համար դեռահասների ձերբակալման ֆոնին հայտարարել է, որ երկրում անհրաժեշտ է վերահսկողություն սահմանել սոցիալական ցանցերի նկատմամբ: Այս մասին հայտնում է «ՌԻԱ Նովոստի»-ն։ 

Նրա խոսքով ՝ սոցիալական ցանցերի կարգավորումը պետք է տարածվի ոչ միայն Telegram-ի վրա, քանի որ ռուսական սերիալները, հումորային ծրագրերը և քաղաքական ակնարկները հեշտությամբ կարելի է գտնել YouTube-ում, իսկ Spotify-ում կարելի է լսել ռուսական երաժշտություն:

Պատգամավորը հավելել է, որ անհրաժեշտ է ստեղծել սեփական մրցակցային պրոդուկտը, ինչպես նաև սահմանափակվել «ռուսական ամեն ինչից»։