Բացահայտվել է Թրամփի երդմնակալության գլխավոր հովանավորը

ԱՄՆ-ի խոշորագույն թռչնաբուծական ընկերություններից մեկը՝  Pilgrim's Pride-ը, ռեկորդային 5 մլն դոլար է նվիրաբերել ԱՄՆ գործող նախագահ Դոնալդ Թրամփի երդմնակալության արարողությանը: Նման տվյալներ է բացահայտել The Wall Street Journal թերթը, որը ծանոթացել է հովանավորների ցանկին։

Հովանավորների թվում էին կրիպտոարժույթային ընկերությունները՝ Ripple (մոտ հինգ միլիոն դոլար), Robin hood Markets (երկու միլիոն դոլար), Coinbase Inc. (մեկ միլիոն դոլար): Նավթային ձեռնարկությունները ֆինանսապես աջակցել են նաև Թրամփի երդմնակալության հանձնաժողովին՝ Chevron (երկու միլիոն դոլար), Exxon Mobil, Occidental Petroleum և ConocoPhillips (յուրաքանչյուրը մեկ միլիոն դոլար):

Պարզվել է՝ ԱՄՆ առաջնորդի կողմից վարչակազմի տարբեր պաշտոններում առաջադրված և այլ երկրներում ԱՄՆ դեսպաններ նշանակված անձանց թվում եղել են «առատաձեռն հովանավորներ»: Պարբերականը նշում է, որ ոչ բոլոր հովանավորներն են նախապատվություններ ստացել Թրամփի երդմնակալությունից հետո։