Հրաձգություն Ֆրանկֆուրտին մերձակա հանգստավայրում. երկու մարդ է զոհվել

Գերմանիայի ոստիկանությունը կիրակի օրը Ֆրանկֆուրտից հյուսիս գտնվող առողջարանային քաղաքում ընդլայնել է կասկածյալի որոնումները, որը դեռ ազատության մեջ է այն բանից հետո, երբ մեկ օր առաջ երկու մարդ էր սպանվել, հաղորդում է Associated Press-ը:

Հեսսեն շրջանի ոստիկանությունը հայտնել է, որ երկու զոհերը գնդակահարվել են Բադ Նաուհայմ բնակելի թաղամասում՝ Ֆրանկֆուրտից մոտ 35 կիլոմետր դեպի հյուսիս, և սպանության շարժառիթը դեռ պարզված չէ:

Գերմանական dpa լրատվական գործակալությունը հաղորդում է, որ ոստիկանության ներկայացուցիչը ապացույցներ է ներկայացրել, որոնք մատնանշում են մեկ հանցագործի, սակայն իշխանությունները չեն կարող բացառել, որ դրան մասնակից են եղել նաև այլ անձինք:

Ինչպես հաղորդում է Hessenschau տարածաշրջանային պարբերականը, շաբաթ օրը տեղի ունեցած հրաձգությունից հետո ոստիկանական մեծ խումբ է տեղակայվել։

Տեղի բնակիչները հայտնել են, որ դեպքի վայր են ուղարկվել հատուկ ջոկատայիններ, ինչպես նաև շտապօգնության մեքենաներ և ոստիկանական ուղղաթիռ։