ԵՄ-ն ցանկանում է արգելել ընկերություններին ռուսական էներգակիրներ գնել. Reuters

Եվրամիությունը ցանկանում է արգելել ընկերություններին գնել ռուսական էներգակիրներ, հայտնում է Reuters-ը՝ վկայակոչելով բարձրաստիճան պաշտոնյային։

Նշվում է, որ ԵՄ իշխանությունները նախատեսում են նաև արգելել ընկերություններին էներգառեսուրսների մատակարարման նոր պայմանագրեր կնքել Ռուսաստանի Դաշնության հետ։

Ինչպես հայտնել է գործակալության աղբյուրը, Եվրահանձնաժողովը կքննարկի օրինական տարբերակներ, որպեսզի ընկերությունները կարողանան խախտել Ռուսաստանի հետ գազի մատակարարման պայմանագրերը՝ առանց տուգանք ստանալու ռիսկի։

Միջոցառումները կդիտարկվեն ռուսական էներգակիրներից հրաժարվելու ճանապարհային քարտեզի շրջանակներում։