Նատալի Լուազոն քննադատել է Կայա Կալասին՝ Ադրբեջան նախատեսված այցի համար
ՄԻՋԱԶԳԱՅԻՆ
Եվրախորհրդարանի ֆրանսիացի պատգամավոր Նատալի Լուազոն քննադատել է Եվրոպական Միության արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալասին՝ ընդգծելով, որ նրա՝ Բաքու նախատեսված այցը սխալ է։
Լուազոն իր X միկրոբլոգում գրել է, որ Կայա Կալասը սխալ է թույլ տալիս՝ այցելելով բռնապետական Ադրբեջան և չայցելելով Հայաստան, որին Ադրբեջանը շարունակում է սպառնալ։
Պատգամավորը նաև նշեց, որ Բաքուն չարամիտ կերպով միջամտել է ԵՄ անդամ պետության (Ֆրանսիայի) ներքին գործերին և կանգնել է Ռուսաստանի կողքին, մինչդեռ ժողովրդավարական Հայաստանը նայում է դեպի Եվրոպա։
