Այսօր տեղի է ունեցել Արթուր Ավետիսյանի հուղարկավորությունը

Սիսիանի Աշոտավան համայնքում այս պահին ընթանում է Սյունիքում ապրիլի 25-ին մահացած ժամկետային զինծառայող Արթուր Ավետիսյանի հուղարկավորության արարողությունը: Այս մասին NEWS.am֊ին հայտնել են համայնքից:

Արթուր Ավետիսյանը բանակ էր զորակոչվել 9 ամիս առաջ, տան միակ որդին էր, մեկ քույր ունի։

Ավելի վաղ ԱԱԾ֊ն հայտնել էր, որ ապրիլի 25-ին Սյունիքի մարզի ԱԱԾ սահմանապահ զորքերի ստորաբաժանումներից մեկի ժամկետային զինծառայող Ա.Ա-ն, ըստ նախնական տվյալների՝ իրեն ամրակցված ինքնաձիգից ստանալով հրազենային վնասվածք՝ մահացել է։ Դեպքի առնչությամբ քրեական վարույթ է հարուցվել: