«Շնորհավորում եմ իմ աշակերտներին, ովքեր տարիներ շարունակ կողքիս են՝ նվիրումով, հավատով ու երազանքով». Վիկա Մարտիրոսյան
ՖՈՏՈ
Պարուհի Վիկա Մարտիրոսյանն ինստագրամյան իր էջում տեսանյութ է հրապարակել՝ շնորհավորելով Պարի միջազգային օրը:
«Այսօր ուզում եմ շնորհավորել բոլոր այն մարդկանց, որոնց սիրտն ապրում է շարժման միջոցով:
Պարը ոչ միայն արվեստ է, այլ հոգեվիճակ, լեզու, որ միավորում է մեզ բոլորիս առանց խոսքերի։
Թող յուրաքանչյուր քայլ լինի սիրով, ներշնչանքով ու ուժով լի։
Շնորհավորում եմ իմ հարյուրավոր աշակերտներին, ովքեր տարիներ շարունակ կողքիս են՝ նվիրումով, հավատով ու երազանքով։
Դուք այն սերնդի ներկայացուցիչներն եք, ովքեր ամեն օր ապացուցում են, որ պարը կարող է փոխել աշխարհը:
Ես հպարտ եմ ձեզանով։ Շարունակեք փայլել՝ դուք իմ շարժման ու ոգեշնչման հիմնական աղբյուրն եք։
Շնորհավոր Պարի միջազգային օրը»,- գրել է Վիկա Մարտիրոսյանը:
