Շարժայում ընթացող շախմատի միջազգային մրցաշարին հայ գրոսմայստերը կիսում է 2-6-րդ հորիզոնականները
ՍՊՈՐՏ
Շարժայում ընթացող 8th Sharjah Masters 2025 շախմատի միջազգային մրցաշարի ավարտին մնացել է ընդամենը 2 խաղափուլ։ Այս մասին հայտնում է Հայաստանի շախմատի ֆեդերացիան:
Մրցաշարի A խմբում 7 խաղափուլից հետո հայ գրոսմայստեր Շանթ Սարգսյանը ունի 5 միավոր և կիսում է 2-6-րդ հորիզոնականները:
Միանձնյա առաջատարն է հոլանդացի գրոսմայստեր Անիշ Գիրին՝ 5.5 միավորով:
Մրցաշարի B խմբում հայ կանանց միջազգային վարպետ Մարիամ Մկրտչյանը նույնպես ունի 5 միավոր և կիսում է 10-18-րդ հորիզոնականները:
