Ուկրաինան պատրաստ է դառնալ Ադրբեջանի առանցքային էներգետիկ հանգույցը Եվրոպայում. Սիբիհա

Ուկրաինան պատրաստ է դառնալ Ադրբեջանի առանցքային էներգետիկ հանգույցը Եվրոպայում, հայտնել է Ուկրաինայի ԱԳ նախարար Անդրեյ Սիբիհան:

«Ինչպես ԵՄ-ն, մենք ևս Ադրբեջանը դիտարկում ենք որպես Եվրոպայի էներգետիկ անվտանգության հիմնական ներդրող, և պատրաստ ենք դրան նպաստել տարանցման ոլորտում ունեցած փորձով և մեր գազի պահեստարանների միջոցով, որոնք ամենամեծն են Եվրոպայում: Ուկրաինան պատրաստ է դառնալ Ադրբեջանի առանցքային էներգետիկ հանգույցը Եվրոպայում», - ասել է նա:

Սիբիհան ընդգծել է, որ Ադրբեջանը չափազանց կարևոր գործընկեր է Ուկրաինայի կայուն զարգացման ամրապնդման համար, առաջին հերթին էներգետիկ ոլորտում, ինչպես նաև արդար և կայուն խաղաղության հասնելու համար։