Առաջին անգամ «Միսս Աշխարհ» մրցույթում հաղթեց Թաիլանդի ներկայացուցիչը

Հնդկաստանի Հայդարաբադ քաղաքում ավարտվել է «Միսս Աշխարհ-2025» գեղեցկության մրցույթի եզրափակիչը, որի հաղթող է ճանաչվել Թաիլանդի ներկայացուցիչ Սուչատա Չուանգսրին։ Նա հաղթեց աշխարհի տարբեր երկրներից ժամանած 108 մասնակիցներից։

Չուանգսրին 21 տարեկան է։ Նա այժմ սովորում է քաղաքագիտության ֆակուլտետում։

Երկրորդ տեղը գրավել է Եթովպիայի ամենագեղեցիկ աղջիկը՝ Հասեթ Դրեյ Ադմասուն, երրորդ տեղը՝ Լեհաստանի մասնակից Մայա Կլայդան։ 

Հայաստանը «Միսս Աշխարհ-2025» գեղեցկության մրցույթում ներկայացնում էր 19-ամյա Ադրինե Աճեմյանը։