Մոսկվա-Երևան չվերթի ինքնաթիռի ժամանումից հետո ձերբակալվել է Ուզբեկստանի կողմից հետախուզվող օտարերկրյա քաղաքացին

Համայնքային ոստիկանության «Զվարթնոց» օդանավակայանի բաժնի ծառայողների ձեռնարկած օպերատիվ-հետախուզական միջոցառումների արդյունքում մայիսի 30-ին Մոսկվա-Երևան չվերթի ինքնաթիռի ժամանումից հետո ձերբակալվել և բաժին է տարվել 2014 թվականից Ուզբեկստանի Հանրապետության իրավապահների կողմից մի քանի հանցանքների մեղադրանքով հետախուզվող օտարերկրյա քաղաքացի 46-ամյա մի տղամարդ: Այս մասին հայտնում են ՀՀ ՆԳՆ-ից:

Խափանման միջոցը՝ կալանքը։

Նրա հայտնաբերման մասին տեղեկացվել է հետախուզումը նախաձեռնողին և դատախազությանը։