Իսրայելը կզղջա Իրանին հարվածների համար․ նախագահ Փեզեշքիան

Իրանի նախագահ Մասուդ Փեզեշքիանը հայտարարել է, որ Թեհրանի «հզոր և օրինական պատասխանը» կստիպի Իսրայելին զղջալ հունիսի 13-ի հարձակումների համար։ Իրանի ղեկավարի հայտարարությունը հրապարակվել է նրա կայքում։

«Ինչպես Իսլամական Հանրապետությունը հետևողականորեն գործադրել է բոլոր ջանքերը տարածաշրջանում և ամբողջ աշխարհում խաղաղություն պահպանելու համար և ապացուցել է իր պատրաստակամությունը երկխոսության համար՝ ուղղված խաղաղության ապահովմանը, նա կգործի ագրեսիային արձագանքելու և երկրի տարածքային ամբողջականությունը պաշտպանելու համար»,- ասել է Փեզեշքիանը։

Միաժամանակ, Իրանի առաջնորդը քաղաքացիներին խոստացել է, որ առօրյան երկրում չի խաթարվի, և դրա ռիթմը կմնա նույնը։ Այս ֆոնին նա ասել է, որ Իրանի դեմ հոգեբանական պատերազմ է մղվում և կոչ է արել բնակիչներին անտեսել թշնամու ուղերձները։