Եգիպտոսի երկնքում լուսարձակող օբյեկտներ են նկատվել

Կահիրեի, Գիզայի և այլ շրջանների բնակիչները Եգիպտոսի երկնքում նկատել են անսովոր լուսարձակող օբյեկտներ: Այս մասին հայտնել է «Ալադադ Ալավալ» հրատարակությունը։

Ականատեսների խոսքով՝ լուսարձակները պայծառ են եղել, երկարավուն և տարբերվել են մթնոլորտային սովորական երևույթներից: Դրանց հայտնվելու պատճառը դեռևս անհայտ է։

Նախնական ենթադրությունների համաձայն՝ սա կարող է պայմանավորված լինել Իրանի և Իսրայելի միջև հակամարտության սրմամբ, որը սկսվել է հունիսի 13-ի առավոտյան: Սակայն դեռևս ճշգրիտ տեղեկություններ չկան օբյեկտների ծագման մասին: