Հայտնի է՝ ԱՄՆ-ն կհարվածի Իրանին, թե ոչ

Սպիտակ տանը կայացած փակ խորհրդակցությունն ավարտվել է առանց Իրանին հարվածելու մասին որոշում կայացնելու։ Այս մասին հայտնում է The Wall Street Journal-ը՝ հղում անելով իր աղբյուրներին:

Նրանց խոսքով՝ Թեհրանի դեմ գործողությանը Վաշինգտոնի ռազմական մասնակցությունը «մի քանի տարբերակներից մեկն էր, որոնք քննարկվել են» հանդիպման ժամանակ, սակայն ԱՄՆ ղեկավարությունը չի կարողացել կողմնորոշվել հետագա քայլերի հարցում:

Ընդ որում, ընդգծվել է, որ նման բանավեճի փաստն ինքնին բարձրացրել է լարվածության աստիճանը, քանի որ պարզ է դարձել՝ ԱՄՆ-ն դիտարկում է իրանական խնդրի ուժային լուծման հնարավորությունը: