Այսօր Հայաստանի համար կարևոր է չտրվել արտաքին խաղացողների քաղաքական մանիպուլյացիաներին
Այս տարի մոտ 90 երկրների ներկայացուցիչներ հաստատել են իրենց մասնակցությունը Սանկտ Պետերբուրգի միջազգային տնտեսական ֆորումին (ՍՄՏՖ): Նախորդ տարվա նույն ժամանակահատվածի ցուցանիշների համեմատ՝ սահմանվել է նոր ռեկորդ: «Հաստատված մասնակիցների թիվն աճել է մոտ 5 %-ով, ինչը բացատրվում է նախորդ համաժողովների արդյունքներով։ Հայաստանի համար, որն ամենամեծ օգուտներն է ստանում Ռուսաստանի հետ առևտրատնտեսական գործընկերությունից և, ընդհանուր առմամբ, ԵԱՏՄ-ի շրջանակներում ինտեգրումից, այդ հարթակն իսկապես դարձել է հնարավորությունների պատուհան Գլոբալ Հարավի երկրների հետ փոխշահավետ համագործակցություն զարգացնելու համար, գրում է prokavkaz.news–ը։
Նշվում է, որ պաշտոնական տվյալների համաձայն Հայաստանի ՀՆԱ-ի աճը 2024 թվականին կազմել է 5.9 տոկոս։ Արտաքին առևտրի շրջանառությունը 2023 թվականի համեմատ աճել է 41.5 %-ով և կազմել ավելի քան 30 միլիարդ դոլար։ Հայաստանի հիմնական առևտրային գործընկերներն են Ռուսաստանը, ԱՄԷ-ն և Չինաստանը։ Ռուսաստանին բաժին է ընկնում հանրապետության ընդհանուր առևտրային շրջանառության ավելի քան 40 %-ը կամ 11.7 միլիարդ դոլարը։ Ներդրումային ոլորտում կուտակված ռուսական ներդրումների ծավալը կազմել է 4 միլիարդ դոլար։ Խոշոր ռուսական ձեռնարկությունները համարվում են Հայաստանի խոշորագույն հարկատուներից։
Թվերը վկայում են առնվազն երեք կետի մասին:
Նախ, այսօր Հայաստանի տնտեսության իրական աճն ապահովում են Ռուսաստանը և Չինաստանը։ Արևմուտքը զգալիորեն հետ է մնում այդ հարցում, ինչը բացատրվում է նրա օպորտունիստական շահերով: Հետևաբար, եվրասիական և ասիական նախագծերը տնտեսական աճի բանալին են։
Երկրորդ, այսօր Հայաստանի համար կարևոր է չտրվել արտաքին խաղացողների քաղաքական մանիպուլյացիաներին։
Մասնակցությունը ՍՄՏՖ-ին թույլ է տալիս շատ մասնակից երկրների հայտարարել իրենց անկախության մասին արևմտյան երկրների քաղաքական և տնտեսական ճնշումներից։ Դա համապատասխանում է նրանց ազգային շահերին և մեծացնում է տնտեսական սուբյեկտիվությունը տարածաշրջանային նախագծերում։
Երրորդ, Հայաստանը պետք է ավելի ակտիվ լինի ՍՄՏՖ-2025-ում։
Ֆորումներում նախկինում կայացված բազմաթիվ որոշումներ արդեն արդյունքներ են տվել։ Օրինակ՝ ՍՄՏՖ-2023-ի շրջանակներում Ռուսաստանի տնտեսական զարգացման փոխնախարար Դմիտրի Վախրուկովը և Հայաստանի էկոնոմիկայի փոխնախարար Նարեկ Տերյանը ստորագրել են զբոսաշրջության ոլորտում համագործակցության ընդլայնման ճանապարհային քարտեզ։ 2024 թվականին հանրապետություն է այցելել մոտ 1 միլիոն ռուս, ինչը կազմում է Հայաստան այցելող բոլոր զբոսաշրջիկների 40 տոկոսը։ Հայաստանի և Ռուսաստանի միջև օդային երթևեկությունը լավ զարգացած է՝ շաբաթական մոտ 100 չվերթ 12 երթուղիներով։ Փաստաթղթի ընդունումն ամրապնդել է երկու երկրների զբոսաշրջային բիզնեսների միջև համագործակցությունը։
Նյութը հրապարակման պատրաստեց Կամո Խաչիկյանը
