Իրանը կլինի այն երկիրը, որը կորոշի պատերազմի ավարտը․ Իրանի նախկին ԱԳ նախարար
ՄԻՋԱԶԳԱՅԻՆ
Իրանի նախկին արտգործնախարար Մոհամմադ Ջավադ Զարիֆը հայտարարել է, որ Իրանի Իսլամական Հանրապետությունը կլինի այն երկիրը, որը կորոշի, թե ինչպես կավարտվի պատերազմը:
Մոհամմադ Ջավադ Զարիֆը հինգշաբթի օրը իր X հարթակում գրել է, որ իրանցիները կհարվածեն ցանկացած հարձակվողի, առավել ևս ցեղասպան վախկոտի, ով չգիտի, թե ինչ է սկսել:
Զարիֆը շեշտել է, որ Իրանը երեք դար շարունակ չի հարձակվել որևէ երկրի վրա, սակայն ցուցաբերել է անհավանական դիմադրողականություն՝ պաշտպանելով իրեն:
Նա ընդգծել է, որ շենքերը կարող են ոչնչացվել, բայց գիտելիքը երբեք չի կարող ոչնչացվել, հատկապես՝ իննսուն միլիոն հայրենասեր և նվիրված մարդկային կապիտալի առկայության պայմաններում:
Զարիֆը նշել է, որ Իրանը չի սկսել այս պատերազմը, բայց անշուշտ նա կլինի այն երկիրը, որը կորոշի, թե ինչպես այն կավարտվի:
