Նավթի գները կտրուկ աճել են Իրանի վրա ԱՄՆ-ի հարվածների ֆոնին․ Bloomberg

Brent տեսակի նավթի գինը բարձրացել է մեկ բարելի համար 80 դոլարից բարձր՝ Իրանի միջուկային օբյեկտներին ԱՄՆ-ի կողմից հարվածից հետո, Euromedia24-ի փոխանցմամբ՝ հաղորդում է Bloomberg-ը։

 

«Նավթի գները կտրուկ աճեցին այն բանից հետո, երբ ԱՄՆ-ը հարվածեց Իրանի երեք հիմնական միջուկային օբյեկտներին և սպառնաց հետագա հարձակումներով, ինչը խորացրեց Մերձավոր Արևելքի ճգնաժամը և մեծացրեց մտավախությունները, որ տարածաշրջանից էներգամատակարարումը կարող է խափանվել։

 

Բրենտ տեսակի նավթի գինը բարձրացել է 5.7 տոկոսով՝ հասնելով 81.4 դոլարի մեկ բարելի համար», – ասվում է հրատարակության մեջ։ Վերջին անգամ մեկ բարել նավթի գինը այս մակարդակին բարձրացել էր հունվարի վերջին։