Խոշոր հրդեհ է եղել էլիտար շենքի 2-րդ հարկում

Այսօր՝ դեկտեմբերի 7-ին, արտակարգ դեպք է տեղի ունեցել Երևանում: Ժամը 12:55-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Մամիկոնյանց փողոցի նոր կառուցվող շենքերից մեկի 2-րդ հարկում հրդեհ է բռնկվել:

Ինչպես դեպքի վայրից հայտնում է ֆոտոլրագրող գագիկ Շամշյանը, օպերատիվորեն ժամանել են Երևանի թիվ 5-րդ հրշեջ-փրկարարական ջոկատից 2 մարտական հաշվարկ:  

Մինչ հրշեջների ժամանումը՝  կրակի տարածման դեմ պայքարել են շենքի կառուցման համար աշխատանքներ կատարող շինարարները և հենց նրանց, ինչպես նաև օպերատիվորեն ժամանած հրշեջների շնորհիվ կրակը չի տարածվել:  

Հրշեջներին հաջողվել մարել այն: Ըստ նախնական տեղեկությունների՝ բարեբախտաբար տուժածներ չկան:  

Օպերատիվորեն ժամանել են նաև Երևանի 1-03 շտապօգնության բժիշկների թիվ 12 բրիգադը, սակայն պարզվել է, որ տուժածներ չկան, սակայն բժիշկները տեղում հերթապահություն էին իրականացնում: Օպերատիվորեն ժամաանել են նաև «Գազպրոմ Արմենիա», «Տրանսգազ» Երևանի ԳԳՄ-ի աշխատակիցներն ու «Հայաստանի էլեկտրական ցանցեր» ընկերությունների ներկայացուցիչները։ Տեղում պարզվել է, որ հրդեհը գազի և էլեկտրականության հետ կապ չունի:
 
Ըստ նախնական տեղեկությունների՝ բնակիչն անփույթ է գտնվել, և սխալ է վարվել 3 կգ-անոց գազաբալոնի հետ, ինչն էլ դարձել է կրակի պատճառ: