Հարավային Կորեայում ինքնաթիռ է կործանվել

Հարավային Կորեայի հարավ-արևելքում գտնվող Պոհանգ քաղաքում ինքնաթիռ է կործանվել։ Այս մասին հայտնում է Yonhap գործակալությունը՝ վկայակոչելով տեղի իշխանություններին։

Գործակալության տվյալներով՝ քաղաքում ռազմական ինքնաթիռ է կործանվել։ Ինքնաթիռը ընկել է տեղական ժամանակով՝ մոտավորապես ժամը 13:52-ին (Երևանի ժամանակով՝ 08:52-ին):

Մայիսի 22-ին ԱՄՆ Կալիֆորնիա նահանգի Սան Դիեգո քաղաքում վթարի է ենթարկվել Cessna ինքնաթիռը։ Metro թերթը գրել է, որ միջադեպի հետևանքով՝ 15 տուն է վնասվել։ Դեպքի վայրում նույնպես հրդեհ է բռնկվել, այդ թվում՝ մի քանի ավտոմեքենա։